राज्यातील ४ लाख ८६ हजार शेतकऱ्यांना ४,७६४ कोटींचा कर्जमुक्तीचा लाभ; मुख्यमंत्री देवेंद्र फडणवीस यांच्या हस्ते चौथ्या टप्प्याचे वितरण
मुंबई : राज्यातील शेतकऱ्यांना मोठा दिलासा देणाऱ्या ‘पुण्यश्लोक अहिल्यादेवी होळकर शेतकरी कर्जमुक्ती योजना २०२६’ अंतर्गत चौथ्या टप्प्यातील लाभाचे वितरण मुख्यमंत्री देवेंद्र फडणवीस यांच्या हस्ते आज सह्याद्री अतिथीगृह, मुंबई येथे करण्यात आले. या टप्प्यात राज्यातील ४ लाख ८६ हजार ७५७ पात्र शेतकऱ्यांना एकूण ४ हजार ७६४ कोटी ७७ लाख रुपयांचा लाभ वितरित करण्यात आला.
या योजनेअंतर्गत आतापर्यंत राज्यातील एकूण २० लाख ७२ हजार २५० पात्र शेतकऱ्यांना १८ हजार ४० कोटी २१ लाख रुपयांचा लाभ देण्यात आला आहे. त्यामुळे राज्यातील लाखो शेतकऱ्यांना आर्थिक दिलासा मिळाला आहे.
या कार्यक्रमाला उपमुख्यमंत्री सुनेत्रा अजित पवार यांच्यासह मंत्रिमंडळातील इतर सदस्य उपस्थित होते.
शेतकऱ्यांना आर्थिक संकटातून बाहेर काढण्यासाठी आणि त्यांना नव्याने शेती उभारणीसाठी बळ देण्याच्या दृष्टीने ही योजना महत्त्वपूर्ण ठरत आहे. चौथ्या टप्प्यातील निधी वितरणामुळे पात्र शेतकऱ्यांना मोठा दिलासा मिळणार आहे.
