शिवकालीन शस्त्रांचे भव्य प्रदर्शन – लोकांचा उत्स्फूर्त प्रतिसाद!
बारामती – इतिहासप्रेमी आणि विद्यार्थ्यांसाठी पर्वणी ठरणाऱ्या शिवकालीन शस्त्रांच्या प्रदर्शानाला नागरिकांचा उत्स्फूर्त प्रतिसाद मिळाला. शिवदुर्ग ग्रुप, बऱ्हाणपूर-बारामती यांच्या वतीने आयोजित या विशेष प्रदर्शनात, शस्त्रसंग्राहक अभिजित धोत्रे (पुणे) यांनी संग्रहित केलेली दुर्मिळ ऐतिहासिक शस्त्रे मांडण्यात आली होती.
ऐतिहासिक शस्त्रांचा समृद्ध खजिना
प्रदर्शनात अनेक दुर्मिळ आणि ऐतिहासिक शस्त्रांचे दर्शन घडले. यामध्ये –
तलवारी – वेगवेगळ्या प्रकारच्या धारधार तलवारी
दांडपट्टा – मराठ्यांच्या युद्धकलेचा अभिमान
वाघनखे आणि कट्यारी – शिवकालीन गुप्त हत्यारेढाली आणि भाले – संरक्षणासाठी वापरण्यात येणारी प्रमुख शस्त्रे
बिचवा आणि पिस्तुल – जवळून हल्ला करण्यासाठीची अत्यंत प्रभावी शस्त्रे
याशिवाय, तत्कालीन अडकित्ते, कुलूपे, पानपुडे, विळे, खुरपी यांसारख्या दैनंदिन उपयोगातील वस्तूंचेही प्रदर्शन भरवण्यात आले होते.
विद्यार्थ्यांचा मोठा सहभाग
शालेय विद्यार्थ्यांसाठी हे प्रदर्शन अत्यंत माहितीपूर्ण ठरले. प्रत्यक्ष ऐतिहासिक शस्त्रे पाहण्याचा अनुभव त्यांना मिळाला. इतिहासाचा अभ्यास केवळ पुस्तकी ज्ञानापुरता मर्यादित न राहता, तो प्रत्यक्ष पाहण्याची संधी लाभल्याने विद्यार्थ्यांनी या प्रदर्शनाला चांगला प्रतिसाद दिला.
लोकांनी घेतला इतिहासाचा अनुभव
या प्रदर्शनाच्या निमित्ताने, शिवकालीन युद्धकला आणि शस्त्रास्त्रांची समृद्ध परंपरा लोकांसमोर आली. राम गवळी आणि त्यांच्या सहकाऱ्यांनी हा उपक्रम यशस्वी करण्यासाठी विशेष मेहनत घेतली. भर उन्हातही लोक मोठ्या संख्येने येऊन छत्रपती शिवाजी महाराजांच्या प्रतिमेस अभिवादन करत होते आणि ऐतिहासिक वातावरणात रमून जात होते.
इतिहास जिवंत करणारा उपक्रम
शिवकालीन शस्त्रसंग्रह पाहताना उपस्थितांनी छत्रपती शिवाजी महाराज आणि त्यांच्या पराक्रमी मावळ्यांची आठवण जागवत इतिहासाचा साक्षात्कार केला. अशा उपक्रमांमुळे इतिहासप्रेमींना आणि विद्यार्थ्यांना आपल्या महान वारशाची जाणीव होऊन तो पुढच्या पिढीपर्यंत पोहोचवण्याची प्रेरणा मिळते.
🚩 जय शिवराय! 🚩
