पंजाब नॅशनल बँकेच्या बारामती MIDC शाखेचे उद्या उद्घाटन
बारामती : पंजाब नॅशनल बँक (PNB) यांच्या नव्या बारामती MIDC शाखेचा उद्घाटन समारंभ बुधवार, दि. १७ जून २०२६ रोजी सकाळी ११.३० वाजता MIDC बारामती (एअरपोर्ट रोड), ता. बारामती, जि. पुणे येथे आयोजित करण्यात आला आहे.
या समारंभाचे प्रमुख पाहुणे म्हणून बारामती अॅग्रो लिमिटेडचे CMD तथा ADT बारामतीचे अध्यक्ष श्री. राजेंद्र पवार उपस्थित राहणार आहेत. तसेच बारामती इंडस्ट्रियल डेव्हलपमेंट असोसिएशन (BIDA) चे अध्यक्ष श्री. धनंजय एस. जमदार यांची विशेष उपस्थिती लाभणार आहे.
कार्यक्रमास पंजाब नॅशनल बँकेचे मुंबई विभाग (महाराष्ट्र व गोवा) विभागीय व्यवस्थापक तथा मुख्य महाव्यवस्थापक (CGM) श्री. दीपक कुमार श्रीवास्तव हे मान्यवर म्हणून उपस्थित राहणार आहेत.
बारामती MIDC परिसरातील उद्योग, व्यावसायिक व ग्राहकांना अधिक सक्षम आणि आधुनिक बँकिंग सेवा उपलब्ध करून देण्याच्या उद्देशाने ही शाखा सुरू करण्यात येत असल्याची माहिती बँकेच्या वतीने देण्यात आली.
या कार्यक्रमासाठी शाखा प्रमुख श्री. निलेश खाडे तसेच सर्कल कार्यालय, पुणे येथील सर्कल प्रमुख श्री. देवेंद्र सिंह यांनी नागरिक, उद्योजक व ग्राहकांना उपस्थित राहण्याचे आवाहन केले आहे.
