बारामतीत आज वसंत हंकारे सरांचे ‘बाप समजावून घेताना’ व्याख्यान; ‘प्रतिबिंब’ उपक्रमाचे आयोजन
बारामती : श्रीमती सुनेत्रा पवार यांच्या माध्यमातून सुरू असलेल्या ‘प्रतिबिंब’ या उपक्रमांतर्गत एन्व्हायर्नमेंटल फोरम ऑफ इंडिया (एनजीओ), बारामती यांच्या वतीने प्रसिद्ध वक्ते वसंत हंकारे सर यांच्या ‘बाप समजावून घेताना’ या विषयावरील काळजाला भिडणाऱ्या व्याख्यानाचे आयोजन आज, शनिवार, दि. २४ ऑक्टोबर २०२६ रोजी करण्यात आले आहे.
हे व्याख्यान सायंकाळी ६ वाजून ३० मिनिटांनी ग. दि. मा. सभागृह, विद्यानगरी, बारामती येथे होणार आहे. वसंत हंकारे सर आपल्या प्रभावी वक्तृत्वातून बाप-लेकाच्या नात्यातील भावनिक बंध, वडिलांचे कुटुंबातील महत्त्व आणि पालकांच्या त्यागाची जाणीव करून देणारे विचार मांडणार आहेत. त्यांच्या व्याख्यानातून उपस्थितांना नात्यांचे महत्त्व नव्याने समजून घेण्याची आणि कौटुंबिक नात्यांकडे संवेदनशीलतेने पाहण्याची प्रेरणा मिळणार आहे.
आजच्या धकाधकीच्या जीवनात कुटुंबातील नात्यांमधील संवाद, प्रेम आणि जिव्हाळा अधिक दृढ करण्याच्या दृष्टीने हा उपक्रम महत्त्वपूर्ण ठरणार आहे. या हृदयस्पर्शी व्याख्यानाचा लाभ बारामतीकरांसह परिसरातील नागरिकांनी मोठ्या संख्येने घ्यावा, असे आवाहन एन्व्हायर्नमेंटल फोरम ऑफ इंडिया, बारामती यांच्या वतीने करण्यात आले आहे.
स्थळ : ग. दि. मा. सभागृह, विद्यानगरी, बारामती
दिनांक : शनिवार, २४ ऑक्टोबर २०२६
वेळ : सायंकाळी ६.३० वाजता
प्रवेश : विनामूल्य
‘बाप समजावून घेताना’ या हृदयस्पर्शी व्याख्यानासाठी नागरिकांनी आवर्जून उपस्थित राहावे, असे नम्र आवाहन आयोजकांनी केले आहे.
