बारामतीतील ज्येष्ठ सामाजिक कार्यकर्ते जवाहरभाई शहा यांचे निधन…! सामाजिक, शैक्षणिक व व्यापारी क्षेत्रातील योगदानामुळे बारामतीत शोककळा मोठे योगदान…! बारामती, दि. २७ ऑक्टोबर : बारामतीतील ज्येष्ठ सामाजिक कार्यकर्ते, दिगंबर जैन समाजाचे आधारस्तंभ आणि तुळजाराम चतुरचंद महाविद्यालयाचे अध्यक्ष जवाहरभाई मोतीलाल शहा (वाघोलिकर) यांचे मंगळवारी (दि. २७ ऑक्टोबर २०२६) अल्पशा आजाराने दुःखद निधन झाले. त्यांच्या निधनाने बारामतीच्या सामाजिक, शैक्षणिक आणि व्यापारी क्षेत्रात शोककळा पसरली आहे. जवाहरभाई शहा यांनी आपल्या कार्यातून बारामतीच्या सार्वजनिक जीवनात महत्त्वपूर्ण योगदान दिले होते. त्यांनी बारामती नगरपरिषदेचे माजी अध्यक्ष तसेच बारामती मर्चंट असोसिएशनचे माजी अध्यक्ष म्हणून जबाबदारी सांभाळली होती. विविध सामाजिक व शैक्षणिक संस्थांमध्येही त्यांनी सक्रिय सहभाग घेतला होता. दिगंबर जैन समाजाचे आधारस्तंभ बारामती दिगंबर जैन समाजातील ज्येष्ठ मार्गदर्शक आणि आधारस्तंभ म्हणून जवाहरभाई शहा यांची ओळख होती. सामाजिक बांधिलकी जपत त्यांनी विविध क्षेत्रांत मोलाचे कार्य केले. त्यांच्या अनुभवाचा आणि मार्गदर्शनाचा अनेकांना लाभ झाला. त्यांच्या निधनामुळे जैन समाजासह सामाजिक, शैक्षणिक व व्यापारी क्षेत्राची मोठी हानी झाली आहे. त्यांच्या निधनाचे वृत्त समजताच विविध क्षेत्रांतील मान्यवरांनी दुःख व्यक्त केले. त्यांच्या सामाजिक कार्याचा आणि योगदानाचा यावेळी स्मरणपूर्वक उल्लेख केला जात आहे. सायंकाळी सहा वाजता अंत्ययात्रा जवाहरभाई शहा यांच्या निवासस्थान ‘धवलगिरी’, सिनेमा रोड, बारामती येथून मंगळवारी सायंकाळी ६ वाजता अंत्ययात्रा निघणार आहे. चांदशावली दर्ग्याजवळील अमरधाम येथे त्यांच्या पार्थिवावर अंत्यसंस्कार करण्यात येणार आहेत. जवाहरभाई शहा यांच्या निधनाने बारामतीने सामाजिक कार्याची जाण असलेले ज्येष्ठ मार्गदर्शक आणि समाजहितासाठी समर्पित व्यक्तिमत्त्व गमावले आहे. त्यांच्या निधनाने निर्माण झालेली पोकळी भरून निघणे कठीण आहे. भावपूर्ण श्रद्धांजली!
