बारामतीत व व तालुक्यातील जागृत देवस्थान श्री क्षेत्र कन्हेरी येथे मोठ्या भक्तिभावाने हनुमान जयंतीनिमित्त जन्मोत्सव सोहळा मोठ्या उत्साहात साजरा…
संतोष शिंदे :- बारामती शहरासह पंचक्रोशीत सालाबाद प्रमाणे यंदाही श्री हनुमान जयंती उत्सव मोठ्या उत्साहात साजरा करण्यात आला.
ओम नमो भगवते वासुदेवाय नमः
कन्हेरी (ता. बारामती) | 12 एप्रिल, शनिवार बारामती
श्रीराम भक्त हनुमान जयंतीचा उत्सव श्री क्षेत्र कन्हेरी येथे मोठ्या भक्तिभावाने व उत्साहात साजरा करण्यात आला. या पवित्र दिवशी गावातील मंदिर समिती व ग्रामस्थांच्या वतीने विविध धार्मिक व सांस्कृतिक कार्यक्रमांचे आयोजन करण्यात आले होते.
सकाळी साडेसहा वाजता श्री कोकाटे महाराज यांच्या मार्गदर्शनाखाली नामस्मरण व भजनाचा कार्यक्रम आयोजित करण्यात आला. जन्मोत्सवाच्या निमित्ताने देवाला फुले वाहून विशेष पूजा-अर्चा करण्यात आली. परिसर भजनांनी भारलेला असताना भक्तांचा ओघ अविरत सुरू होता.
यानंतर दिवसभर विविध भक्तिगीत, कीर्तन, हरिपाठ आदी कार्यक्रम पार पडले. उत्सव तदनंतर महाप्रसादाचे आयोजन करण्यात आले होते. संपूर्ण परिसर भक्तीमय वातावरणात न्हालेला होता. हजारोच्या संख्येने भाविकांनी या उत्सवाला उपस्थित राहून दर्शनाचा लाभ घेतला.ओम नमो भगवते वासुदेवाय नमः
