वालचंदनगर पोलीस स्टेशन येथे ८० वा स्वातंत्र्य दिन उत्साहात साजरा
प्रतिनिधी:-
वालचंदनगर | दि. १५ ऑगस्ट २०२६
भारताच्या ८० व्या स्वातंत्र्य दिनानिमित्त वालचंदनगर पोलीस स्टेशन येथे शनिवार, दि. १५ ऑगस्ट रोजी ध्वजारोहणाचा कार्यक्रम मोठ्या उत्साहात व देशभक्तीमय वातावरणात संपन्न झाला.
वालचंदनगर पोलीस स्टेशनचे सहाय्यक पोलीस निरीक्षक (API) श्री. राजकुमार डुणगे साहेब यांच्या शुभहस्ते राष्ट्रध्वजाचे ध्वजारोहण करण्यात आले. यावेळी उपस्थितांनी राष्ट्रध्वजाला मानवंदना देत राष्ट्रगीताचा सन्मान केला.
कार्यक्रमास पोलीस उपनिरीक्षक श्री. अविनाश घोरपडे साहेब, मा. पोलीस उपनिरीक्षक श्री. रतिलाल चौधर साहेब, पोलीस हवालदार श्री. गणेश काटकर साहेब यांच्यासह वालचंदनगर पोलीस स्टेशनचा पोलीस स्टाफ मोठ्या संख्येने उपस्थित होता.
तसेच जंक्शन येथील उद्योजक श्री. रामेश्वर माने, कृषीमंत्री श्री. दत्तात्रय मामा भरणे यांचे स्वीय सहाय्यक श्री. अंबादास लांडगे, श्री. दिलीप अण्णा लोहोकरे, स्वामी विवेकानंद ज्येष्ठ नागरिक संघाचे पदाधिकारी, आनंदघन सोसायटीचे सचिव श्री. सुरेशराव कापडी यांच्यासह जंक्शन-आनंदनगर परिसरातील नागरिक मोठ्या संख्येने उपस्थित होते.
ध्वजारोहणानंतर उपस्थित मान्यवर व नागरिकांनी देशाच्या स्वातंत्र्यासाठी आपल्या प्राणांची आहुती देणाऱ्या स्वातंत्र्यसैनिकांना अभिवादन केले. देशभक्तीपर वातावरणात पार पडलेल्या या कार्यक्रमामुळे परिसरात राष्ट्रीय एकात्मता आणि देशप्रेमाची भावना अधिक दृढ झाली.
या प्रसंगी वालचंदनगर पोलीस स्टेशनच्या वतीने उपस्थित मान्यवर, नागरिक व पोलीस कर्मचाऱ्यांसाठी अल्पोपहाराचे आयोजन करण्यात आले होते.
देशभक्ती, शिस्त आणि राष्ट्रीय अभिमानाचा संदेश देत वालचंदनगर पोलीस स्टेशनचा ८० वा स्वातंत्र्य दिन सोहळा उत्साहात संपन्न झाला.
