“महिला आयोग आपल्या दारी” उपक्रम पुणे जिल्ह्यात १५ ते १७ एप्रिल दरम्यान
रुपाली चाकणकर यांचे महिलांना तक्रारी न घाबरता मांडण्याचे आवाहन
पुणे, १० एप्रिल – महाराष्ट्र राज्य महिला आयोगाच्या “महिला आयोग आपल्या दारी” उपक्रमाअंतर्गत १५ ते १७ एप्रिल दरम्यान पुणे जिल्ह्यात जनसुनावणी होणार आहे. अध्यक्ष रुपाली चाकणकर यांच्या उपस्थितीत, १५ एप्रिल रोजी पुणे शहर, १६ एप्रिल रोजी पुणे ग्रामीण आणि १७ एप्रिल रोजी पिंपरी-चिंचवड येथे सुनावणी होईल. महिलांनी पुढे येऊन आपल्या तक्रारी न घाबरता मांडाव्यात, असे आवाहन चाकणकर यांनी केले आहे. संबंधित विभागांचे अधिकारी, पोलिस, वकिल व समुपदेशक उपस्थित राहणार असून, तक्रारींवर त्वरित कार्यवाही केली जाणार आहे.
