बारामतीच्या सायली हिल परिसरातील श्री गणेश मंदिरात एका अनोख्या प्रसंगाने भक्तांच्या मनाला आनंद दिला.
श्री गणेश मूर्तीसमोर एका वानराने थांबून प्रार्थनेप्रमाणे शांतपणे दर्शन घेतल्याचा क्षण कॅमेऱ्यात टिपला गेला. नवीन वर्षाच्या पहिल्या दिवशी घडलेल्या या घटनेमुळे भक्तांमध्ये कौतुक आणि श्रद्धेची भावना निर्माण झाली. वानराच्या या अनोख्या दर्शनाने मंदिराला भेट देणाऱ्यांमध्ये नवीन उत्साह संचारला. अनेकांनी हा दुर्मीळ क्षण आपल्या कॅमेऱ्यात कैद केला. मंदिर प्रशासनाने देखील याला शुभसंकेत मानून या प्रसंगाला धार्मिक दृष्टिकोनातून विशेष महत्त्व दिले आहे.
