“बारामतीकर मतदार हेच माझा परिवार आहे.” ;-अजित पवार
अजित पवार यांनी बारामतीकरांवर आपला गहिरा विश्वास व्यक्त केला आहे, ते म्हणाले, “बारामतीकर मतदार हेच माझा परिवार आहे.” निवडणुकीसाठी प्रचार सुरू असताना त्यांनी मतदारांना भावनिक साद घालत त्यांच्या विकासकामांवर भर दिला. त्यांनी अनेक योजनांद्वारे लोकांना मदत करण्याचा दावा केला असून, “लाडकी बहिण योजना” आणि शेतकरी वीज माफी यासारख्या योजना लोकाभिमुख असल्याचे सांगितले. आगामी विधानसभा निवडणुकीत महायुतीच्या तिकीटावर ते पुन्हा निवडणूक लढत आहेत आणि मतदारांनी त्यांना साथ द्यावी, असे आवाहन केले आहे.
अजित पवार म्हणाले की, त्यांनी अनेकदा बारामती मतदारसंघातून निवडणूक लढली आहे आणि बारामतीकरांना त्यांच्या कार्याची चांगली जाण आहे. यावेळी देखील ते मोठ्या विजयानंतर “ताठ मानेने” विजय मिळवण्याची आशा राष्ट्रवादी काँग्रेस पार्टी अजित दादा प्रकाशित यावेळी पत्रकारांशी बोलताना सांगितले .
बारामतीत जाहीरनाम्याच्या प्रकाशन सोहळ्यात बोलताना अजित पवार यांनी विधानसभेच्या निवडणुकीसाठी जनतेचा कल बदलला असल्याचे मत व्यक्त केले आहे. लोकसभेच्या निवडणुकीत जनतेने जो कल दिला होता, ती वेळ वेगळी होती, असे सांगत अजित पवार म्हणाले की आता परिस्थिती बदलली आहे आणि जनता त्यांच्या पाठीशी उभी आहे. या वक्तव्याने आगामी निवडणुकीतील संघर्षात अजित पवार यांनी आपली ताकद दाखवण्याचा प्रयत्न केला आहे, असे मानले जात आहे.
अजित पवार यांच्या नेतृत्वाखालील राष्ट्रवादी काँग्रेस पक्षाचा जाहीरनामा प्रसिद्ध; राज्यभरातील बड्या नेत्यांना निर्देश
बारामती, ६ नोव्हेंबर: अजित पवार यांच्या नेतृत्वाखालील राष्ट्रवादी काँग्रेस पक्षाच्या अजितदादा गटाने काल पक्षाचा जाहीरनामा बारामती येथे आयोजित पत्रकार परिषदेत प्रकाशित केला. राष्ट्रवादी काँग्रेस पक्षाचे अध्यक्ष अजित पवार यांनी पत्रकार परिषदेत जाहीरनाम्याची घोषणा करताना सांगितले की, पक्षाच्या उमेदवारांच्या प्रचारासाठी संपूर्ण राज्यातील बड्या नेत्यांना आपल्या मतदारसंघात पत्रकारांच्या उपस्थितीत जाहीरनामा प्रसिद्ध करण्याचे निर्देश दिले आहेत.
पक्षाच्या वरिष्ठ नेत्यांमध्ये प्रफुल्ल पटेल, सुनील तटकरे, छगन भुजबळ आणि इतर नेत्यांनी त्यांच्या मतदारसंघात जाहीरनामा प्रसिद्ध करून मतदारांपर्यंत पोहोचवण्याचे आदेश पवार यांनी दिले आहेत. अजितदादा पवार यांनी सांगितले की, या जाहीरनाम्यात पक्षाच्या आगामी योजनांचा समावेश असून, मतदारांना पक्षाच्या धोरणांशी अधिकाधिक परिचित करण्याचा हेतू आहे.
