बारामती सहकारी औद्योगिक वसाहतीच्या अध्यक्षपदी रणजित पवार, उपाध्यक्षपदी मनोज पोतेकर – उद्योगविश्वाला नवा वेग
बारामती, ता. २० – बारामती सहकारी औद्योगिक वसाहतीच्या अध्यक्षपदी रणजित पवार आणि उपाध्यक्षपदी मनोज पोतेकर यांची एकमताने निवड झाली. या निवडणुकीदरम्यान निवडणूक निर्णय अधिकारी अमर गायकवाड यांच्या देखरेखीखाली प्रक्रिया पार पडली. सहाय्यक निबंधक प्रमोद दुरगुडे आणि संस्थेचे सचिव रोहिदास हिरे यांचीही या वेळी उपस्थिती होती.
नव्या संचालक मंडळाची जबाबदारी
नवीन संचालक मंडळात अविनाश लगड, सुनील पोटे, चेतन शहा, अनिल तुपे, यश संधवी, मेहुल दोशी, प्रदीप भोईटे, निशांत गवळी, जावेद शिकीलकर, मालती गलबले आणि हर्षा दोशी यांचा समावेश आहे.
आदरणीय शरदचंद्रजी पवार साहेब यांच्या मार्गदर्शनातून 1963 साली औद्योगिक वसाहतची स्थापना झाली.
औद्योगिक वसाहतीचा विस्तार आणि प्रगती
बारामती सहकारी औद्योगिक वसाहत ही स्थानिक उद्योगांच्या वाढीसाठी महत्त्वपूर्ण ठरत कामगारांना रोजगार उपलब्ध झाला आहे. या वसाहतीमुळे संपूर्ण परिसराच्या आर्थिक प्रगतीला चालना मिळाली आहे.
नव्या नेतृत्वाकडून मोठ्या अपेक्षा
रणजित पवार आणि मनोज पोतेकर यांच्या नेतृत्वाखाली वसाहतीचा आणखी विकास होईल, आधुनिक पायाभूत सुविधा उभारल्या जातील आणि स्थानिक उद्योजकांना अधिक संधी मिळतील, अशी अपेक्षा आहे. औद्योगिक गुंतवणुकीस प्रोत्साहन देत अधिकाधिक रोजगार निर्मिती करण्यावर भर दिला जाईल.
बारामती औद्योगिक क्षेत्रासाठी सकारात्मक पाऊल
नवीन व्यवस्थापन स्थानिक उद्योजकांच्या अडचणी सोडवण्यासाठी आणि नव्या उद्योगांना चालना देण्यासाठी कार्यरत राहील. यामुळे औद्योगिक क्षेत्राला अधिक बळकटी मिळेल आणि बारामतीचा औद्योगिक नकाशावरचा ठसा अधिक गडद होईल.
