बारामती तालुका नाभिक संघटनेच्या नवीन कार्यकारिणीची बिनविरोध निवड…!
बारामती प्रतिनिधी – बारामती तालुका नाभिक संघटनेच्या पंचवार्षिक निवड प्रक्रियेत नवीन कार्यकारिणीची बिनविरोध निवड करण्यात आली. अध्यक्षपदी धीरण रवींद्र पवार, महिला अध्यक्षपदी राजश्री जगताप, तर सचिवपदी राहुल जाधव यांची सर्वानुमते निवड झाली.
भव्य व शिस्तबद्ध समारंभात निवड प्रक्रिया पूर्ण
तालुक्यातील वडगाव निंबाळकर येथे संत सावता माळी सभागृहात पार पडलेल्या या निवड प्रक्रियेत नाभिक समाजातील प्रतिष्ठित व्यक्ती आणि पदाधिकारी मोठ्या संख्येने उपस्थित होते. प्रारंभी श्री संत सेना महाराजांच्या प्रतिमेचे पूजन करून कार्यक्रमाला विधिवत सुरुवात करण्यात आली.
नव्या नेतृत्वावर समाजाची जबाबदारी
या बैठकीच्या अध्यक्षस्थानी महाराष्ट्र राज्य नाभिक महामंडळाच्या पश्चिम विभागाचे अध्यक्ष रमेश राऊत आणि जिल्हा अध्यक्ष अशोक मगर होते. एकमताने पुढील पदाधिकाऱ्यांची निवड करण्यात आली –
उपाध्यक्ष – महेश जाधव
कार्याध्यक्ष – सतीश कर्वे
महिला उपाध्यक्ष – पुष्पा जाधव
पश्चिम महाराष्ट्र नाभिक संघटनेचे उपाध्यक्ष – सुनील जगताप
नवनियुक्त पदाधिकाऱ्यांना जिल्हा कार्यकारिणीच्या वतीने अधिकृत नियुक्तीपत्रे प्रदान करण्यात आली. या निवडीनंतर समाजबांधवांनी नवीन नेतृत्वाचे अभिनंदन केले आणि संघटनेच्या उज्ज्वल भविष्यासाठी शुभेच्छा दिल्या.
सभागृहात उत्साहाचे वातावरण – समाजबांधवांची मोठी उपस्थिती
कार्यक्रमास समाजातील अनेक मान्यवर उपस्थित होते. यामध्ये शंकर मर्दाने, मंगला आढाव, मच्छिंद्र बिडवे, आदिनाथ गायकवाड, लालासो जाधव, सुनील जाधव, सागर राऊत, मनोज जाधव, दीपक जाधव, सुरेश जाधव, गणेश साळुंखे, विनायक जाधव, श्रीपाद जाधव, कैलास जाधव, सतीश जाधव, नवनाथ जाधव यांचा समावेश होता.
कार्यक्रमाचे सूत्रसंचालन चंद्रकांत जाधव यांनी प्रभावीपणे पार पाडले, तर पांडुरंग जाधव यांनी आभार प्रदर्शन केले.
नव्या कार्यकारिणीबद्दल समाधान – संघटनेच्या भविष्यासाठी अपेक्षा
ही निवड प्रक्रिया खेळीमेळीच्या वातावरणात पार पडली. नव्या कार्यकारिणीच्या नेतृत्वाखाली बारामती तालुका नाभिक संघटना अधिक संघटित होईल आणि समाजाच्या हितासाठी भरीव कार्य करेल, अशी अपेक्षा व्यक्त करण्यात येत आहे.
