साप्ताहिक लोकवार्ता/कऱ्हावार्ता कार्यालयात बाळशास्त्री जांभेकर जयंती व पत्रकार दिन साजरा
बारामती : ६ जानेवारी रोजी आद्य दर्पणकार बाळशास्त्री जांभेकर यांच्या जयंतीनिमित्त पत्रकार दिन साप्ताहिक लोकवार्ता/कऱ्हावार्ता कार्यालयात उत्साहात साजरा करण्यात आला.
कार्यक्रमाची सुरुवात आद्य दर्पणकार बाळशास्त्री जांभेकर यांच्या प्रतिमेला पुष्पहार अर्पण करून करण्यात आली. महिला संपादिका सीमाताई यांच्या हस्ते प्रतिमेला पुष्पहार अर्पण करण्यात आला.
यावेळी ज्येष्ठ संपादक दत्ता महाडिक, तैनूर शेख, संतोष शिंदे, स्वप्निल कांबळे, सुनील शिंदे, दशरथ मांढरे, आनंद धोंगडे, श्री. पांढरे आणि महिला संपादिका सीमाताई आदी मान्यवर उपस्थित होते.
संपादक संतोष शिंदे, तैनूर शेख, स्वप्निल कांबळे, आणि सुनील शिंदे यांनी आपले मनोगत व्यक्त करत पत्रकार दिनाचे महत्त्व अधोरेखित केले आणि शुभेच्छा दिल्या.
कार्यक्रमाचे समारोप उमेश दुबे यांनी आभार प्रदर्शनाने केला. कार्यक्रमानंतर चहा-नाश्त्याची व्यवस्था करण्यात आली होती.
ज्येष्ठ संपादक दत्ता महाडिक यांच्या साप्ताहिक लोकवार्ता/कऱ्हावार्ता कार्यालय येथे
संपादक आणि पत्रकारांनी एकत्र येत बाळशास्त्री जांभेकर यांचे कार्य आणि पत्रकारितेचे योगदान याबाबत चर्चा केली. सालाबाद प्रमाणे यंदाही हा कार्यक्रम पत्रकारांच्या एकत्रित सहभागाने यशस्वी झाला.
