२६ नोव्हेंबर रोजी बारामती पॉवर मॅरेथॉनचे आयोजन : नावनोंदणी शुभारंभ मान्यवरांच्या हस्ते संपन्न
ता.१ (प्रतिनिधी) : बारामती पॉवर मॅरेथॉनचे या फुल्ल मॅरेथॉनचे आयोजन दि.२६ नोव्हेंबर २०२३ रोजी बारामती येथे केले जाणार आहे.बारामती स्थित क्रीडा क्षेत्रात कामगिरी करणाऱ्या , बारामती स्पोर्ट्स फाऊंडेशन द्वारे या आंतरराष्ट्रीय मॅरेथॉनचे आयोजन केले जाणार आहे.
४२ किमी , २१ किमी , १० किमी आणि फन रन – ५ किमी अश्या कॅटेगरी मध्ये ही स्पर्धा होणार असून , वर्ल्ड अथलिट्स असोसिएशनच्या मान्यतेने ही मॅरेथॉन आयोजित केली जाणार आहे. या मॅरेथॉन साठी नावनोंदणीचा शुभारंभ मान्यवरांच्या हस्ते आज वैष्णवी ग्राफिक्स , बारामती येथे संपन्न झाला.
बारामती नगरपालिकेचे मुख्याधिकारी महेश रोकडे , उपमुख्यमंत्री अजितदादा पवार यांचे स्वीय सहाय्यक हनुमंत पाटील , बारामती बँकेचे चेअरमन सचिन सातव , कारभारी अण्णा चॅरिटेबल फाऊंडेशनचे सचिव प्रशांत नाना सातव यांच्या उपस्थितीत नावनोंदणीचा शुभारंभ करण्यात आला. मुख्याधिकारी महेश रोकडे यांनी १० किमी मॅरेथॉनसाठी स्वतःचे नाव नोंदवून स्वतः या मोहिमेस प्रारंभ केला.
![](https://bhavnagari.in/wp-content/uploads/2023/09/Screenshot_2023-09-02-17-02-24-23_6012fa4d4ddec268fc5c7112cbb265e72-1-1024x619.jpg)
बारामती पॉवर मॅरेथॉन सर्व स्तरातून यशस्वी होण्यासाठी प्रशासकीय पातळीवर पूर्ण सहकार्य मिळेल अशी ग्वाही सर्वच मान्यवरांनी याप्रसंगी दिली.
सूत्रसंचालन ज्ञानेश्वर जगताप यांनी केले. तर , आभार सतिश ननवरे यांनी मानले.
याप्रसंगी , सचिन पवार , मच्छिंद्र आटोळे , जावेद सय्यद , मंगेश ओमासे , प्रसाद चव्हाण , मयूर सालपे आदी मान्यवर उपस्थित होते.
![](https://bhavnagari.in/wp-content/uploads/2023/09/Screenshot_2023-09-02-17-02-59-04_6012fa4d4ddec268fc5c7112cbb265e72-1-1024x1005.jpg)