लोकशाहीर अण्णाभाऊ साठे यांच्या १०५व्या जयंतीनिमित्त “लोकशाहीर फेस्टिव्हल”चे आयोजन — वसंत हनकरे यांचे प्रेरणादायी व्याख्यान
बारामती | ३० जुलै २०२५
लोकशाहीर अण्णाभाऊ साठे यांच्या १०५व्या जयंतीनिमित्त “लोकशाहीर फेस्टिव्हल” चे भव्य आयोजन ३० जुलै रोजी करण्यात आले आहे. या कार्यक्रमात प्रख्यात मोटिवेशनल स्पीकर वसंत हनकरे हे विशेष उपस्थित राहून आपले मार्गदर्शन करणार आहेत.
सायंकाळी ६ वाजता सुरू होणाऱ्या या कार्यक्रमात वसंत हनकरे हे तरुणाई, विद्यार्थीवर्ग आणि पालक यांच्यासाठी व्यसनमुक्त जीवन, शिक्षणाचे महत्त्व आणि आई-वडिलांचा सन्मान या अत्यंत संवेदनशील आणि जीवनगामी विषयांवर संवाद साधणार आहेत.
त्यांचे विचार मनाला स्पर्श करणारे, विचारांना दिशा देणारे आणि जीवनात सकारात्मक परिवर्तन घडवणारे ठरणार आहेत.
या व्याख्यानामुळे आई-वडिलांप्रती आदर वाढवणं, कुटुंबाशी नातं दृढ करणं, यासारख्या मूल्यांना नवसंजीवनी मिळणार आहे.
हा कार्यक्रम मा. बिरजू मांढरे यांच्या विशेष निमंत्रणाने आयोजित करण्यात आला असून सर्व नागरिकांनी सहकुटुंब उपस्थित राहून प्रेरणा घेण्याचे आवाहन आयोजकांकडून करण्यात आले आहे.
