रमजान ईद निमित्त हार्दिक शुभेच्छा
रमजान ईद हा इस्लाम धर्मातील एक महत्त्वाचा सण आहे. रमजान महिन्यात संपूर्ण एक महिना उपवास करून, संयम, शिस्त आणि भक्तीने जीवन जगणाऱ्या मुस्लिम बांधवांसाठी हा आनंदाचा दिवस असतो. हा सण केवळ उपवास संपल्याचे प्रतीक नसून तो आपुलकी, दानधर्म आणि बंधुत्व यांचा संदेश देतो.
रमजान महिन्यात मुस्लिम बांधव रोजा ठेवून संपूर्ण दिवस अन्न व पाणी ग्रहण करत नाहीत. दिवसभर उपवास केल्यानंतर संध्याकाळी इफ्तारच्या माध्यमातून उपवास सोडला जातो. रमजान संपल्यानंतर ईद-उल-फित्र साजरी केली जाते. या दिवशी सर्वांनी एकत्र येऊन नमाज अदा केली जाते, गोडधोड पदार्थ बनवले जातात आणि गरजूंना दानधर्म केला जातो.
ईदचा खरा संदेश हा प्रेम, समता आणि ऐक्याचा आहे. या निमित्ताने सर्व समाजाने एकत्र येऊन आनंद साजरा करावा, परस्पर प्रेम आणि सद्भावना वृद्धिंगत करावी, हीच ईदच्या निमित्ताने साप्ताहिक भावनगरी कडून सर्वांना मनःपूर्वक शुभेच्छा!
“ईद मुबारक!”
