फडतरे नॉलेज सिटीमध्ये ४०,००० विद्यार्थ्यांसाठी मोफत एआय प्रशिक्षणाची भव्य कार्यशाळा
कळब (वालचंदनगर) येथे २६ ते ३० डिसेंबर २०२५ दरम्यान पाच दिवसांचा उपक्रम
कळब, वालचंदनगर (ता. इंदापूर, जि. पुणे) — ग्रामीण भागातील विद्यार्थ्यांना उच्च दर्जाचे तंत्रज्ञान शिक्षण मिळावे, भविष्यातील डिजिटल स्पर्धेसाठी ते सक्षम व्हावेत यासाठी फडतरे नॉलेज सिटी, रोटरी क्लब ऑफ बारामती,( एआय)ॲडमिशन आणि बुट कॅम्प रोबोटिक चॅम्पियन्स यांच्या संयुक्त विद्यमाने २६ ते ३० डिसेंबर २०२५दरम्यान ५ दिवसांची मोफत आर्टिफिशियल इंटेलिजन्स (एआय) प्रायोगिक प्रशिक्षण कार्यशाळा आयोजित केली आहे.
या उपक्रमाचे वैशिष्ट्य असे की संपूर्ण ४०,००० विद्यार्थ्यांना एआयचे प्रशिक्षण पूर्णपणे विनामूल्य देण्यात येणार आहे. ग्रामीण भागातील विद्यार्थ्यांनी केवळ तंत्रज्ञान वापरणारे न राहता तंत्रज्ञान निर्माण करणारे व्हावे, हा या ऐतिहासिक उपक्रमामागील मुख्य हेतू आहे.
कार्यशाळेत समाविष्ट प्रशिक्षण विषय
सॉफ्टवेअर डेव्हलपमेंट
गेम डेव्हलपमेंट
वेबसाईट डेव्हलपमेंट
रोबोटिक्स
ड्रोन टेक्नॉलॉजी
आर्टिफिशियल इंटेलिजन्सची मूलतत्त्वे व प्रत्यक्ष प्रायोगिक सत्रे
या माध्यमातून विद्यार्थ्यांमध्ये नवनिर्मितीची क्षमता वाढवणे, ग्रामीण–शहरी दरी कमी करणे आणि डिजिटल युगात स्पर्धात्मकता निर्माण करणे हे उद्दिष्ट आहे.
उपक्रमाबाबत प्रमुख मान्यवरांचे मत पत्रकार परिषदेत बोलताना फडतरे नॉलेज सिटीचे अध्यक्ष उत्तम फडतरे यांनी सांगितले की,
“हा उपक्रम ग्रामीण भागातील विद्यार्थ्यांसाठी दिशादर्शक ठरेल. नवीन तंत्रज्ञानाचे दार उघडण्याचे काम या कार्यशाळेद्वारे होणार असून ४०,००० विद्यार्थ्यांना मोफत एआय प्रशिक्षण देण्याचा आमचा निर्धार आहे.”
यावेळी संचालिका सौ. कल्याणी फडतरे, डॉ. प्रवीण उतेकर, डॉ. विपुल निंबाळकर, डॉ. सोनाली देशमुख, गणेश चव्हाण तसेच विविध मान्यवर उपस्थित होते.
ग्रामीण शिक्षणात परिवर्तनाची नवी दिशा
या कार्यशाळेमुळे—
विद्यार्थ्यांच्या ऍडमिशनविषयी जागरूकता निर्माण होईल
खेड्यातील शिक्षण पद्धतीत सकारात्मक बदल घडेल
ग्रामीण मुलांसाठी उच्च शिक्षण व आधुनिक तंत्रज्ञानाचा मार्ग मोकळा होईल
भविष्यातील स्पर्धेत ग्रामीण विद्यार्थ्यांचा सहभाग वाढेल
एका छोट्याशा गावातून उगम पावलेली ही संकल्पना लवकरच संपूर्ण प्रदेशासाठी आदर्श ठरणार असून, शहरी भागापासून क्रीडा–तंत्रज्ञान क्षेत्रापर्यंत विद्यार्थ्यांना याचा प्रचंड फायदा होईल, अशी अपेक्षा आयोजकांनी व्यक्त केली.
ही मोफत( एआय)कार्यशाळा निश्चितच ग्रामीण महाराष्ट्रातील शिक्षण जगतात परिवर्तनाची नवी क्रांती घडवणारी ठरणार आहे.
