बारामतीत शेतीचं ज्ञानपर्व – शेतकरी लांबून लांबून हजर
कृषी प्रदर्शनात तंत्रज्ञानाची जत्रा, शेतकऱ्यांचा उत्स्फूर्त प्रतिसाद
शरद पवार साहेबांच्या भेटीने कृषी प्रदर्शनाला चार चाँद….
सुट्टी नसतानाही बारामतीत शेतकऱ्यांची धूम – कृषी प्रदर्शनाला राज्यभरातून गर्दी
बारामतीच्या कृषी प्रदर्शनात शेतकऱ्यांचा महापूर
शेतीची नवी वाट दाखवणारं बारामतीचं कृषी प्रदर्शन
बारामतीत शेतीचं ज्ञानपर्व – शेतकरी लांबून लांबून हजर
कृषी प्रदर्शनात तंत्रज्ञानाची जत्रा, शेतकऱ्यांचा उत्स्फूर्त प्रतिसाद
शरद पवार साहेबांच्या भेटीने कृषी प्रदर्शनाला चार चाँद
बारामतीच्या कृषी प्रदर्शनात ज्ञान, तंत्रज्ञान आणि गर्दीचा संगम
आज मंगळवार दि. २० जानेवारी २०२६ रोजी सुट्टी नसतानाही बारामती येथील अॅग्रीकल्चरल डेव्हलपमेंट ट्रस्टच्या कृषी विज्ञान केंद्रामार्फत भरवलेल्या कृषी प्रदर्शनाला शेतकऱ्यांनी मोठी गर्दी केली. राज्याच्या कानाकोपऱ्यातून शेतकरी आवर्जून या प्रदर्शनाला आले होते. लातूर, धाराशिव, वाशीम, नांदेड, बीड, जालना, सोलापूर, कोल्हापूर, सातारा, सांगली अशा अनेक जिल्ह्यांतून शेतकरी येथे हजर होते.
आज या प्रदर्शनाला ट्रस्टचे अध्यक्ष मा. शरदचंद्र पवार साहेब आणि मा. सौ. प्रतिभा पवार यांनी भेट दिली. त्यांनी वेगवेगळ्या दालनांची पाहणी केली. मधमाशी पालनाच्या दालनात संस्थेचे चेअरमन मा. राजेंद्र पवार यांनी मधमाशांच्या नृत्यकलेतून माहिती सांगणाऱ्या लहान मुलींशी संवाद साधला. त्यांच्या कामाचं कौतुक करत मुलींचा उत्साह वाढवला.
शेतीत उपयोगी पडणाऱ्या नव्या तंत्रज्ञानाबद्दल माहिती घेण्यासाठी शेतकरी वेगवेगळ्या कंपन्यांच्या स्टॉल्सवर उत्सुकतेने फिरत होते. या प्रदर्शनात खते, औषधे, बियाणे, ठिबक व तुषार सिंचन यंत्रणा, दुग्ध व्यवसायासाठी लागणारी नवी यंत्रे, तेलाचा घाणा असे अनेक शेतीपूरक साहित्य मांडण्यात आले होते.
याच दिवशी प्रदर्शनाच्या निमित्ताने ‘वर्किंग ब्रीड’ आणि ‘पप्पी’ जातींच्या कुत्र्यांची स्पर्धाही घेण्यात आली. या स्पर्धेतील विजेत्यांना केव्हीके बारामतीचे माजी विषय तज्ज्ञ डॉ. रतन जाधव व इतर मान्यवरांच्या हस्ते बक्षिसे देण्यात आली. या स्पर्धेसाठी निवड समितीत डॉ. बी. एन. आंबोरे, डॉ. ए. व्ही. खानविलकर, डॉ. टी. सी. शेंडे (पशुवैद्यकीय महाविद्यालय, शिरवळ) आणि पुण्याचे श्री. तेजस कळमकर यांनी काम पाहिले.
श्वान स्पर्धेचे विजेते :
प्रथम क्रमांक : श्री. किरण दळवे, बारामती – ग्रे हाउंड
बक्षीस : रु. ५,००० व ट्रॉफी
द्वितीय क्रमांक : श्री. आकाश दळवे, बारामती – जर्मन शेफर्ड
बक्षीस : रु. ३,००० व ट्रॉफी
तृतीय क्रमांक : सौ. ज्योती सातव, वाघोली (पुणे) – लॅब्राडोर
बक्षीस : रु. २,००० व ट्रॉफी
एकूणच हे कृषी प्रदर्शन शेतकऱ्यांना नवे ज्ञान देणारे, आधुनिक तंत्रज्ञानाची ओळख करून देणारे आणि उपयोगी ठरणारे आहे. शेती अधिक चांगली व टिकाऊ कशी करता येईल, यासाठी हे प्रदर्शन नक्कीच मार्गदर्शक ठरत आहे. हे कृषी प्रदर्शन शनिवार दि. २४ जानेवारी २०२६ पर्यंत सुरू राहणार आहे.
